Mótaskrá fyrir árið 2019 liggur fyrir og má með sanni segja að það sé veisla fyrir keppendur í frisbígolfi því samtals verða yfir 1000 mót á árinu.

Mótaskrá 2019

Janúar

Áramótið  6. janúar – Gufunesvöllur

Mars

Úlli kaldi 16. mars – Úlfljótsvatn

Maí

Vormót Frisbígolfbúðarinnar  11.-12. maí – Texasfyrirkomulag

Reykjavík Open 24.-26. maí – (Íslandsbikarinn 1)

Júní

Úlli ljóti  9. júní – Úlfljótsvatn

Iceland Solstice  21.- 23. júní (Íslandsbikarinn 2)

Júlí

Norðurlandsmótið 5.-7. júlí – Hamrar o.fl – FGA og Samherjar (Íslandsbikarinn 3)

Sexton Shootout 13.-14. júlí – RDG

Styrktarmót Blæs 27. júlí – RDG

Ágúst

17.-18. ágúst  – Íslandsbikarinn 4 – ÍFS

September

Íslandsmót 2019  20.-22. september – (Íslandsbikarinn 5)

Úllil ljóti 2   28. sept – Úlfljótsvatn

Auk þess verða:
Þriðjudagsdeild – maí til september (25)

Fimmtudagsdeild – júní til ágúst (5)

Trilogy Challenge mót (1)

Ace Race Discraft (1)

Texas bikarinn – mótaröð RDG – byrjar 18. maí (2×5)

Haustmótaröð – október til desember (13)

Ljósamótaröð – sept til mars (15)

Bjartsýniskast – janúar til apríl (12)

Kvennamót

Barnamót

Önnur mót (10)

Aðalfundur Íslenska frisbígolfsambandsins verður haldinn mánudaginn 18. mars næstkomandi í hlöðunni í Gufunesi og hefst kl. 20. Hefðbundin aðalfundarstörf. Mótaskrá fyrir 2019 verður kynnt og farið yfir ýmislegt spennandi sem framundan er í frisbígolfinu á þessu ári.
Allir velkomnir – kaffi og kökur.

Nú styttist í að veturinn gefi eftir en vorið er greinilega handan við hornið. Þá rennur upp mikill uppáhaldstími allra frisbígolfspilara þegar dagurinn lengist og við losnum við snjó og hálku sem hefur verið að trufla okkur í vetur. Með auknum áhuga á frisbígolfi og betri völlum (uppbyggðir teigar með góðu yfirborði) má segja að vetrarspilamennska sé orðin mjög almenn en í vetur hefur stór hópur spilað reglulega og og mót hafa verið haldin 1-2 sinnum í viku.
Góðir teigar eru lykilatriði í því að geta spilað allt árið en þessir heilsársteigar eru frekar ódýr lausn til þess að nýta betur vellina, auka öryggi spilara og verja viðkvæman jarðveg á vorin og haustin. Við vonum að sem flest sveitarfélög útbúa góða teiga á sína folfvelli sem komnir eru.

Eins og í öllum íþróttum þá geta allir bætt getu sína í frisbígolfi með æfingum. Þeir sem spila mest ná betri tökum á frisbígolfi og verða yfirleitt betri á öllum sviðum sportsins. Yfirleitt er talað um þrjá ólíka kastflokka í folfi, langskotin (drive), miðskotin (approach) og púttin. Gott er að æfa þessi köst í sitthvoru lagi og læra þannig vel á diskana.
Oft er talað um að púttin séu mikilvægustu köstin en þau eru líka auðveldast að æfa. Eitt stutt pútt telur jafn mikið á skorkortinu og 100 metra langskot.
Við hvetjum alla til að gefa sér tíma og æfa ólík köst, forhönd og bakhönd, og læra þannig vel á diskana sína því æfingin skapar meistarann. Nú eru hafnar innanhúsæfingar hjá Frisbígolffélagi Reykjavíkur en þær fara fram á fimmtudagskvöldum kl. 20 í Ingunnarskóla í Grafarholti.

Það eru ekki allir sem vita að hægt er að spila frisbígolf í myrkri. Sérstök ljós eru þá sett neðan á diskana þannig að auðvelt er að finna þá en þessi ljós eru mjög létt og hafa lítil áhrif á svif disksins. Oft nægir að setja ljósin á dræverinn þar sem pútterinn týnist varla. Margir vellir eru með ágætri lýsingu þannig að auðvelt er að sjá körfurnar og hvetjum við alla til að prófa. Ljósin er hægt að fá bæði hjá FUZZ og Frisbígolfbúðinni.
Þess má geta að öll þriðjudagskvöld eru sérstök ljósamót haldin á höfuðborgarsvæðinu en þá eru batteríisljós sett á körfurnar til að sjá þær betur.

Metnaðarfullar áætlanir eru nú í gangi um að búinn verði til einn flottasti frisbígolfvöllur landsins í Leirdal í Grafarholti. Völlurinn, sem verður 18 brauta, á að byggja á gríðalega flottu svæði þar sem bæði er gróið skóglendi en einnig opnar grasflatir og því fjölbreyttni brauta mikið.

Á vellinum verða þrír flottir teigar á hverri braut með heilsársgervigrasi en mismunandi teigar henta vel ólíkum spilurum, rauðir eru léttastir, hvítir eru erfiðari en bláir erfiðastir. Á landinu eru núna 57 folfvellir en aðeins tveir af þeim eru með 18 brautir og því orðið brýnt að fjölga þeim. Síðasta sumar var lokið við að klára 9 brauta völlinn í Leirdalnum og er það okkar ósk að stækka hann í 18 brautir á næsta ári.

Frisbígolfið hefur verið í mikilli uppbyggingu á síðustu árum og aldrei hafa fleiri spilað þetta skemmtilega sport. Okkur finnst því mikilvægt að búa til betri velli sem hægt er að nota allt árið og virka bæði fyrir þá sem eru að byrja en einnig sem keppnisvöllur fyrir þá bestu.

Nú er verið að kjósa um þennan nýja völl þ.e. stækkun úr 9 í 18 í verkefninu Hverfið mitt í Reykjavík og geta allir íbúar borgarinnar tekið þátt. Við hvetjum auðvitað sem flesta til þess en kosningu líkur 30. október og fá þannig einn flottasta folfvöll landsins.

Hægt er að kjósa hér: https://kosning2018.reykjavik.is/#/area-ballot/3

Helgina 7.-9. september fór fram Íslandsmótið í frisbígolfi en þetta er í 14. skiptið sem mótið er haldið. Þetta ár var boðið upp á 8 keppnisflokka og keppt um Íslandsmeistaratitil í 5 þeirra. Mótið heppnaðist mjög vel enda lék veðrið við okkur alla helgina. Keppt var á þremur völlum, Gufunesi, Grafarholti og Vífilsstöðum og var því mikil fjölbreyttni fyrir spilara. Æsispennandi keppni var í opnum meistaraflokki og réðust úrslit ekki fyrr en í síðasta kastinu þegar Mikael Máni Freysson setti niður sitt síðasta pútt en aðeins einu kasti munaði á honum og Blæ Erni Ásgeirssyni sem varð í öðru sæti.

Meistaraflokkur: Mikael Máni Freysson
Meistaraflokkur kvenna: Kolbrún Mist Pálsdóttir
Stórmeistaraflokkur 40+: Haukur Arnar Árnason
Ungmennaflokkur 18 ára og yngri: Andri Fannar Torfason
Barnaflokkur 12 ára og yngri: Kormákur Flóki Klose

Við óskum öllum vinningshöfum til hamingju, nánari úrslit má finna hér:

Næstu helgi verður Íslandsmótið í frisbígolfi haldið en þetta verður eitt glæsilegasta Íslandsmótið til þessa. Fimm Íslandsmeistarar verða krýndir en spilað verður á 3 völlum á laugardag og sunnudag. Mikil spenna er um úrslitin enda margir sem geta blandað sér í toppbaráttuna. Skráningu lýkur á fimmtudaginn og við hvetjum alla áhugasama til að taka þátt með því að senda skráningu á folf@folf.is.
Á föstudeginum verður haldið Íslandsmótið í Texas Scramble en þá keppa tveir í liði og betra kastið gildir. Allir geta tekið þátt í þessu móti en við bjóðum í fyrsta sinn upp á paraflokk þar sem kona og karl geta skráð sig saman í liði.

Það hefur verið gaman að sjá lífið sem nú er á öllum frisbígolfvöllum landsins en aðsóknin hefur aldrei verið meiri enda má segja að nú sé besti tími ársins til að spila folf. Í sumar bætast 12 nýjir vellir við þá sem fyrir eru og er óhætt að segja að nýju vellirnir hafi fengið góðar viðtökur. Auk þess var völlurinn í Grafarholti endurbættur með nýjum teigum á öllum brautum og völlurinn á Hömrum Akureyri var stækkaður í 18 brautir.
Við hvetjum alla til þess að nota tækifærið, drífa sig út á völl með diskana og taka vini eða ættingja með. Það verða allir að fá að prófa frisbígolf.