Íslandsmótið í betri disk verður haldið sunnudaginn 5. júlí á Grafarholtsvelli. Keppt er í tveggja manna liðum og betra kast gildir. Til að tryggja jafna þátttöku beggja leikmanna má annar aðilinn ekki eiga þrjú upphafsköst í röð. Liðin velja sér rástíma en boðið er upp á 4 keppnisflokka.

Skráning og nánari upplýsingar eru hér: https://udisc.com/events/islandsmotid-i-betri-disk-2026-D3IEyg/about

Íslandsmót barna í frisbígolfi fer fram laugardaginn 4. júlí 2026 á Grafarholtsvelli (Þorláksgeisla 51) en keppt verður í 6 aldursflokkum, bæði stelpu og stráka. Við leggjum áherslu á að mótið sé skemmtileg upplifun fyrir keppendur og hvetjum öll börn, 18 ára og yngri til að taka þátt.

Í upphafi móts verður farið yfir helstu reglur og því ekki krafist að krakkar hafi keppnisreynslu. Foreldri eða forráðamaður þarf að fylgja börnum 12 ára og yngri. Elstu þrír flokkarnir spila á stóra vellinum en hinir flokkarnir spila Græningjann. Engin vallarmörk og kvaðir verða í gildi á mótinu. Veitt eru verðlaun fyrir 3 efstu sætin í hverjum flokki en einnig eru dregnir aukavinningar úr skorkortum. Púttkeppni verður í gangi allan daginn og pylsur, drykkir og Candyflos fyrir keppendur.

Boðið er upp á sex aldursflokka, bæði stelpu og stráka: 18, 15, 12, 10, 8 og 6 ára og yngri (Miðað er við fæðingarár)

DAGSKRÁ ÍSLANDSMÓTSINS LAUGARDAGINN 4. JÚLÍ 2026
Kl. 10.00   6 ára og yngri (f. 2020) – Græningi, 1 hringur (6 valdar brautir)
Kl. 10.30   8 ára og yngri (f. 2018) – Græningi, 1 hringur (12 brautir)
Kl. 11.00 10 ára og yngri (f. 2016) – Græningi, 2 hringir (24 brautir)
Kl. 13.00 12 ára og yngri (f. 2014) – Stóri völlurinn, 18 brautir (rauðir teigar)
Kl. 13.30 15 ára og yngri (f. 2011) – Stóri völlur, 18 brautir (stelpur rauðir/strákar hvítir)
Kl. 14.00 18 ára og yngri (f. 2008) – Stóri völlur, 18 brautir (stelpur hvítir/strákar bláir)

Keppnisgjald er aðeins 500 kr. á barn. Skráning er á folf@folf.is og á staðnum.
Mótið er samvinnuverkefni ÍFS og FGR

Frisbígolfvöllum fjölgar alltaf á hverju ári en þeir eru orðnir 105 um allt land. Segja má að hægt sé að finna folfvöll í nánast öllum sveitarfélögum landsins og á þeim fáu stöðum sem ekki er völlur eru viðræður í gangi.

10 átján brauta völlurinn var opnaður í sumar en þá var völlurinn á Hvolsvelli stækkaður og settir heilsársteigar á allar brautir. Þessir vellir eru Gufunesvöllur, Grafarholtsvöllur, Reykjanesbær, Selfoss, Úlfljótsvatn, Ljósafoss, Hvolsvöllur, Egilsstaðir, Hamrar og Háskólavöllurinn á Akureyri.

Við hvetjum ykkur öll sem þið ætlið að ferðast um landið í sumar að taka diskana með og prófa allla þá velli sem verða á leið ykkar í sumarfríinu.

Síðasta sunnudag var haldið fyrsta Silfurmót Íslandsbikars ÍFS en Silfurmótin eru stök frisbígolfmót sem eru ætluð þeim sem eru að spila sín fyrstu skref í keppnisfolfi. Mótið var haldið á tveimur völlum, Guðmundarlundi og Vífilsstöðum en spilaður var einn hringur á hvorum velli.
Góð þátttaka var á mótinu en 46 keppendur voru skráðir til leiks í sex flokkum.

Silfurmótin halda áfram og hvert mót er sjálfstætt þó að þau séu hluti af mótaröð þannig að öllum er velkomið að taka þátt og hvetjum við folfara til að slá til. Næsta Silfurmót verður haldið á Akureyri en sjá má dagskrána hér: https://www.folf.is/keppnir/silfurmotarodin/

Sumarið er tíminn á svo sannarlega við frisbígolfið þó að vetrarspilamennska hafi færst í aukanna. Framundan er skemmtilegur tími með langa daga og hita í lofti. Frisbígolffélögin eru mörg komin með sumardagskrá og inn á viðburðadagatali folf.is/vidburdir má nú finna 99 viðburði sem skipulögð eru fram í október.
Við hvetjum ykkur öll til að taka þátt í þessu en boðið er upp á fjölda flokka á hverju folfmóti, þú finnur örugglega flokk við þitt hæfi.

FGR í samstarfi við Folfarann bjóða á Krakkamót í frisbígolfi sumardaginn fyrsta, næsta fimmtudag, 23. apríl kl. 12.00, á Græningjanum í Grafarholti

Nánari upplýsingar má finna hér: krakkamót

Aðalfundur Íslenska frisbígolfsambandsins var haldinn fimmtudaginn 9. apríl sl. í félagsaðstöðu FGR við Þorláksgeisla 51. Fundurinn var vel heppnaður og fór formaður ÍFS Runólfur Helgi yfir verkefni síðasta árs sem voru fjölmörg og vel heppnuð. Mikil gróska er í sportinu og allir vellir landsins mikið notaðir enda veður síðasta sumar mjög hagstætt okkur sem viljum kasta diskum.

Stjórnin var sjálkjörin til áframhaldandi setu en hana skipa Runólfur Helgi Jónasson formaður, Daníel Gunnar Sigurðsson gjaldkeri, Svandís Halldórsdóttir, Friðrik Snær Sigurgeirsson og Hans Orri Straumland.

Mörg spennandi verkefni bíða nýs árs og metnaðarfull mótadagskrá.

Aðalfundur Íslenska Frisbígolfsambandsins (ÍFS) verður haldinn í Geisla, klúbbhúsi FGR, fimmtudaginn 9. apríl kl 19. Dagskrá samkvæmt lögum ÍFS.

Rétt til setu á aðalfundi hafa fulltrúar þeirra frisbígolffélaga sem eru meðlimir í ÍFS. Sjá lög ÍFS. Aðildarfélög eru hvött til að senda starfsemis upplýsingar, upplýsingar um fjölda félagsmanna, og ársreikninga á tölvupóstfang stjórnar ÍFS, folf@folf.is.

Framboð til setu í stjórn ÍFS og tillögur sem leggja á fyrir aðalfund skulu berast stjórn ÍFS í tölvupósti á folf@folf.is

Aðalfundur Frisbígolffélags Reykjavíkur var nýlega haldinn í Geisla í Grafarholti. Góð mæting var á fundinn og skemmtilegar umræður um ýmis mál tengd starfseminni og uppbyggingu íþróttarinnar í Reykjavík.

Dagskrá sumarsins var kynnt sem verður birt fljótlega á vef félagsins. Nú stjórn var kosin á fundinum og óskum við henni velfarnaðar í komandi verkefnum.

Nú liggur fyrir mótaskrá ÍFS fyrir komandi keppnistímabil og er þar að finna fjölbreytt úrval móta fyrir mismunandi getuhópa. Gullmótaröðin er ætluð þeim bestu en Silfurmótaröðin fyrir þá sem eru að byrja í keppnum og vilja auðveldari mót. EInnig er boðið upp á sérstaka kvennamótaröð þar sem allar konur eru velkomnar og vert er að minnast á Íslandsmót barna sem er fyrsta laugardag í júlí á hverju ári.