Gullmótaröðin verður áfram 2-3 daga mót eins og verið hefur og spilaðir þrír 18 brauta hringir. Gullmótaröðin gefur PDGA stig en sett verða PDGA stiga lágmörk fyrir þátttöku í mótunum í öllum flokkum.
Keppnisflokkar gullmótaraðarinnar verða: MPO, FPO, MP40, MP50, MJ18, MA1 og FA1 

Íslandsbikarinn Gullmót 1  Vormót Frisbígolfbúðarinnar 29.-1. maí – FGB Reykjavík

Íslandsbikarinn Gullmót 2  Akureyri Open  2.-4. júní – FGA Akureyri

Íslandsbikarinn Gullmót 3  Sólstöðumót FGR  23.-25. júní – FGR Reykjavík

Íslandsbikarinn Gullmót 4  Norðurlandsmótið 21.-23. júlí – FGA Akureyri

Íslandsbikarinn Gullmót 5. Gullmót FGR 18.-20. ágúst – FGR Reykjavík

Athugið að Íslandsmótið 2023 verður ekki hluti Íslandsbikarsins. 

Nánara fyrirkomulag

• Spilaðar eru a.m.k. 54 brautir á hverju móti.
• Mótin geta verið tveir eða þrír dagar.
• Mót skal haldið á auglýstum dögum nema óviðráðanlegar aðstæður komi í veg fyrir að það sé mögulegt. Varadagsetning skal vera viku síðar.
• Hægt er að fella niður eða færa umferð á móti ef veðuraðstæður eru óviðráðanlegar. Þá er miðað við a.m.k. veðurviðvörun frá Veðurstofunni.
• Boðið er upp á 7 flokka skv. ofangreindu á öllum mótunum. 
• Skráning skal vera í áföngum þar sem stigahærri keppendur fá forskot til skráningar. Halda skal opnum minnst þremur sætum í hverjum flokki þar til viku fyrir mót til að tryggja lágmarksþátttöku í hverjum flokki.
• Ákveði keppandi að skipta um flokk eftir skráningu þarf hann að skrá sig út úr mótinu og inn aftur í réttum flokki.
• Keppnisvöllur skal útbúinn minnst 18 brautum. ÍFS getur veitt undanþágu frá því séu málefnalegar ástæður að baki og ljóst sé að aðstæður rúmi væntanlegan fjölda keppenda. 
• Keppnisvellir skulu vera í góðu standi. 
• Umgjörð móts skal vera eins góð og mögulegt er ásamt vel mönnuðu starfsliði við mótið.  
• Bjóða skal upp á salernisaðstöðu á mótsstað.
• Raðað er í ráshópa eftir flokkum og getu en þó er leyfilegt að blöndun milli flokka fari fram í fyrstu umferð. 
• Allir teigar sem notaðir verða skulu vel merktir og með sléttu undirlagi.
• Æskilegur hámarksfjöldi á Gullmótunum er x keppendur.
• Æskilegt er að nota rástímastart en slöngustart (shotgun start) er þó heimilt ef fjöldi bíður upp á það.
• Mótsstjóri þarf að hafa reynslu af mótsstjórn frisbígolfmóta, hafa gild dómararéttindi (PDGA Certified Rules Official) og má ekki vera keppandi á mótinu sem hann stýrir.
• Mótin skulu vera PDGA vottuð.

Birt með fyrirvara um breytingar.

Stigagjöf
Stigagjöf ÍFS fyrir Íslandsbikarinn er aðlagað að íslenskum keppnisfjölda og byggt á útreikningum frá þremur PDGA stigakerfum frá stórmótum erlendis. Þrjú bestu mótin af fimm gilda og vinna keppendur sér inn stig í þeim flokkum sem þeir keppa í. Skipti keppendur um flokk fylgja stigin ekki með. 

Jafntefli hjá keppendum í heildarniðurstöðu.

Ef spilarar eru jafnir að stigum þegar þrjú bestu mótin eru tekin þá eru talin saman heildarstig í allri mótaröðinni og sá spilari sem er með fleiri stig vinnur.

Ef spilarar eru enn jafnir að stigum þá eru skoðaðar innbyrgðis viðureignir þessara spilara á mótaröðinni.Ef enn er jafnt þá skal hlutkesti ráða.