Landssæti á Evrópumótin 2027 verða metin út frá þrem þáttum:
Stigahæst/ur í reitingu, Íslandsmóti og bestu 4 stórmót sumarsins.
- Reiting – miðast við reitingsupdate 13.október 2026 (20%)
https://www.pdga.com/players/stats Skoðað út frá flokki sem keppt er í á Evrópumótinu og gerð tafla með þeim sem hafa rétt á að keppa í þeim flokki.
- 4 bestu af Stórmótum á Íslandi (5 Gullmót, Norðurlandsmótið og Reykjavík Open)(40%)
Sæti á 3 daga móti (ef jafnt fá báðir jöfn stig nema fyrir fyrstu þrjú sætin þá gildir niðurstaða úr bráðabana). Stigatafla frá Maríu notuð. Niðurstaða úr 4 bestu stórmótum einstaklingsins gildir.
1. sæti 100 stig
2. sæti 90 stig
3. sæti 81 stig
4. sæti 72 stig
5. sæti 64 stig
6. sæti 56 stig
7. sæti 49 stig
8. sæti 42 stig
9. sæti 36 stig
10. sæti 30 stig
11. sæti 25 stig
12. sæti 20 stig
13. sæti 16 stig
14. sæti 12 stig
15. sæti 9 stig
16. sæti 6 stig
17. sæti 4 stig
18. sæti 2 stig
19. sæti eða neðar 1 stig
- Íslandsmót (40%)
Keppt í þeim flokki sem þú vilt ná sæti í á Evrópumótinu og færð stig út frá sæti sem þú lendir í. MJ18 flokkurinn keppir á Íslandsmóti barna og stigin úr því móti gilda fyrir Evrópumótið fyrir aldurinn 15-18 ára gamla einstaklinga. Einnig verður skoðað árgangur 15-18 ára leikmanna á Íslandsmóti óháð flokk sem þeir keppa í.
Flokkar/teigar/Evrópumóts stig á mótum sumarsins:
FPO – blandaðir hvítir og bláir gefa stig til Evrópumóts
FP40 – blandað hvítir og bláir gefa stig til Evrópumóts
MPO – bláir gefa stig til Evrópumóts
MP40 – bláir gefa stig til Evrópumóts
MP50 – bláir gefa stig til Evrópumóts
FP50 – hvítir gefa ekki stig til Evrópumóts
MJ18 – bláir teigar gefa stig til Evrópumóts
FJ18 – hvítir gefa ekki stig til Evrópumóts
Aðrir flokkar gefa ekki stig til Evrópumóts.
Endanlegt val á Evrópumótið 2027
Val keppanda fer fram samkvæmt stigakerfi með heildarstigafjölda 100 stig. Stig eru reiknuð út frá þremur þáttum: PDGA reiting, úrslitum í stórmótum og úrslitum í Íslandsmóti. Hver þáttur hefur fyrirfram skilgreint vægi. PDGA reiting leggur til allt að 20 stig og endurspeglar langtímaárangur og stöðugleika leikmanns. Reiting gjaldgengra leikmanna eru bornar saman og stig reiknuð hlutfallslega. Stórmót leggja til allt að 40 stig. Tekin eru mið af úrslitum í allt að sjö skilgreindum stórmótum, þar sem fjórar bestu niðurstöður telja. Úrslit eru reiknuð hlutfallslega með tilliti til sætaröðunar og fjölda keppenda. Íslandsmót leggur til allt að 40 stig. Stig eru reiknuð út frá sæti leikmanns í mótinu, hlutfallslega miðað við fjölda keppenda. Heildarstig leikmanns fást með samlagningu stiga úr öllum þáttum. Þeir sem eru stigahæstir svara hvort þeir gefi kost á sér á Evrópumótið og stjórn ÍFS velur úr þeim hópi þá sem fara fyrir hönd landsins og varamenn.
Jafnteflisreglur: Komi upp jafntefli í heildarstigum tveggja eða fleiri leikmanna gilda eftirfarandi reglur, í tilgreindri forgangsröð, þar til úrslit liggja fyrir: 1. Hærra sæti í Íslandsmóti ræður. 2. hæsta einstaka niðurstaða í stórmóti ræður. 3. Meðaltal fjögurra bestu stórmótaniðurstaðna ræður. 4. Hærri PDGA reiting ræður. 5. Val valnefndar, studd rökstuðningi sem skal skráður í fundargerð.
Staðfestingargjald er 15000 kr og er greitt til að staðfesta þátttöku og verður það notað í að borga skráningargjald úti og kaupa keppnisbol fyrir ferðina. Ef viðkomandi hættir við gengur staðfestingargjaldið til varamanna og verður ekki endurgreitt.
Birt með fyrirvara um breytingar.