VELLIR

Á hverju ári fjölgar völlum og körfum hér á landi sem eykur fjölbreyttni þeirra sem vilja spila. Hægt er að hafa samband við okkur til aðstoðar við ráðgjöf og hönnun á völlum á netfangið folf@folf.is

18vellir

Fyrsti völlurinn var settur upp á Akureyri 2001 en þá voru staurar notaðir til að kasta í en fyrsti alvöru völlurinn reis á Úlfljótsvatni árið 2002 með heimagerðum körfum úr síldarplasttunnum en nú eru nítján alvöru folfvellir með sérhannaðar körfur hér á landi og eru þessir vellir öllum opnir, allt árið. Auk þess eru minni vellir víða.

Þessir vellir eru í stafrófsröð;

Akranes – Garðalundur

Núna í sumar var völlurinn í Garðalundi stækkaður upp í alvöru 9 brauta völl en eins og þeir sem þar hafa komið er völlurinn á mjög fallegu og heppilegu sem bíður upp á mikla möguleika. Hægt er að fá lánaða venjulega frisbídiska á staðnum (eru í kistu) en mæta þarf með sína eigin folfdiska.

Sækja kort af 9 brauta vellinum. akranesvollur2014

hamrakotstún

Akureyri – Hamrakotstún

Sumarið 2014 var settur upp 9 brauta völlur á Hamrakotstúni við Þórunnarstræti (gegnt sundlauginni). Vegna stærðar garðsins eru brautirnar frekar stuttar en krefjandi og settir voru tveir teigar á hverja braut. Völlurinn er mjög skemmtilegur og umhverfið fallegt. Þessi nýji völlur fer vel saman við völlinn að Hömrum sem bíður upp á allt annarskonar brautir.

Hamrakotstun vallarkort3

 

hamrar2

Akureyri – Hamrar

Þessi skemmtilegi og fjölbreytti 9 holu völlur liggur fyrir ofan tjaldsvæðið að Hömrum en fyrsta brautin er reyndar inn á tjaldsvæðinu og þá er kastað yfir eina af tjörnunum sem þar eru. Völlurinn reynir töluvert á hæfni spilara en hægt er að velja um bláa og rauða teiga. Skorkort og kort fást í þjónustumiðstöðinni.

Hér getur þú sótt mynd og skorkort af vellinum. Sækja kort.

Apavatn - á tjaldsvæði Rafiðnaðarsambands Íslands

6 brauta völlur sem settur var upp sumarið 2014.

Bifröst

Settur hefur verið upp völlur við Háskólann á Bifröst. Við setjum inn kort af honum um leið og það er klárt.

Breiðholt2

Fella- og Hólahverfi – Reykjavík 

Þessi völlur er efst í Elliðaárdalnum en þrír teigar á hverri braut. Völlurinn er í náttúrulegu umhverfi og því er mikilvægt að fylgjast vel með diskunum til þess að týna þeim ekki sérstaklega nálægt lúpínunni. Á fyrstu og níundu braut er kastað nálægt vatni sem getur verið erfitt. Við ráðleggjum öllum byrjendum á að spila af rauðu teigunum. Breidholt2014

1009820_10151506405642100_1304108573_n

Flateyri

Sumarið 2013 tóku nokkrir hressir strákar sig til og smíðuðu körfur úr allskyns afgöngum og settu upp völl á Flateyri. Hann er staðsettur á Strákavöllum og er mjög skemmtilegur.

Sækja kort af vellinum á Flateyri. Flateyri folfvöllur

Sækja skorkort fyrir Flateyri. Skorkort Flateyri

—-

flúðir

Flúðir

Sumarið 2014 var settur upp 9 brauta völlur á skemmtilegu svæði á Flúðum í Hrunamannahreppi. Völlurinn byrjar við bílastæðið við félagsheimilið og liggur í hring með ánni sem þar liggur.

Sækja kort af vellinum á Flúðum. Fludir folfvollur

fossvogur

Fossvogsdalur – Reykjavík

Sumarið 2014 var opnaður frábær völlur á þessum skemmtilega stað. Brautirnar liggja beggja vegna bæjarmarka Reykjavíkur og Kópavogs og er vallarstæðir einkar fallegt með tjörnum, háum trjám og fallegum grasflötum. Fyrsta braut er vestast í dalnum (Landsspítalamegin).

Þú getur sótt kortið hér. Fossvogur4

 

gufunes2

Gufunes í Grafarvogi

Í Gufunesi er eini 18 holu völlurinn og er hann mjög skemmtilegur, fjölbreyttur og krefjandi þar sem finna má lengstu holur landsins. Við hverja holu eru þrjár gerðir af teigum,  almennir, miðlungs og byrjenda. Völlurinn er hannaður þannig að hægt er að skipta honum í tvo níu holu velli. Stórt kort er við bílastæðið sem lýsir vel vellinum. Teigarnir á fyrstu holu eru rétt við bílastæðið.

Hér getur þú sótt vallarkort. Gufunes 2014 vallarkort

IMG_7423

Hafnafjörður – Víðistaðatún

Sumarið 2014 var settur upp 6 brauta völlur á þessum skemmtilega stað í Hafnarfirði.

Hér getur þú sótt vallarkort. Sækja kort.

 

10410142_10203712310961799_904897210235008905_n

Hrísey

Sumarið 2014 var settur upp flottur 9 körfu völlur í Hrísey á frábærum stað í skógræktinni með upphafsteig við gamla skólann. Tveir teigar eru á hverri braut sem gerir völlinn hentugan fyrir byrjendur sem og lengra komna.

 

Klambratún – Reykjavík

Einn vinsælasti völlur landsins er á Klambratúni í hjarta Reykjavíkur en hann var settur upp sumarið 2000. Völlurinn er 9 brautir en umhverfið á Klambratúni er kjörið fyrir frisbígolf, há tré og gróður sem búa til skemmtilegar fyrirstæður til að spila frisbí.

Hér getur þú sótt mynd og skorkort af vellinum. Sækja kort.

 

_MG_9802

Laugardalur – Reykjavík

Skemmtilegur völlur á besta stað í Reykjavík. Tveir teigar eru á hverri braut, rauður og hvítur og eru hvítu teigarnir hellulagðir til þess að ná sem bestu upphafsskoti. Best er að leggja bílnum við KFUM heimilið Holtavegi því þar er fyrsta braut. Völlurinn liggur í átt að TBR húsinu. Hér er kort af vellinum. Laugardalur D

Laugardalur2014

Miðhúsaskógur (við Laugarvatn)

Á svæði VR í Miðhúsaskógi við Laugarvatn er skemmtilegur 5 brauta völlur. Fjölbreytt kjarrlendi er á þessu svæði sem gerir völlinn krefjandi og áhugaverðan.

Sækja kort af vellinum. Kort af velli.

Hér getur þú sótt skorkort af vellinum. Sækja skorkort.

mosó

Mosfellsbær – Ævintýragarðurinn

Vorið 2014 var opnaður völlur á þessum skemmtilega stað þar sem fyrirhugað er að byggja upp sannkallað ævintýrasvæði. Völlurinn býður upp á mishæðir, gróður og skemmtilega fjölbreyttni. Tveir teigar eru á vellinum, rauðir og hvítir.

Hér getur þú sótt mynd og skorkort af vellinum. Mosó vallarkort.

úlfljóts

Úlfljótsvatn

Við Útilífsmiðstöð skáta á Úlfljótsvatni er skemmtilegur 10 holu völlur sem er mjög “skátalegur” þ.e. hann liggur um fjölbreytt landslag. Þetta er elsti völlur landsins og settur upp sumarið 2002 en fyrri hluti vallarins er inn á tjaldsvæðinu en seinni hluti liggur meðfram fallegum læk. Fyrsta holan er við aðalhliðið inn á tjaldsvæðið og síðasta holan endar þar rétt hjá. Hægt er að fá leigða diska í þjónustumiðstöðinni.

Hér getur þú sótt mynd og skorkort af vellinum. Sækja kort.

Auk þessara valla eru körfur við Hólavatn í Eyjafirði, í Vatnaskógi, Fossatúni, á Tálknafirði, Möðrudalsöræfum, Egilsstöðum og víðar.